Pages

Friday, February 11, 2011

Qurxinta Suniyaha.


Indhahaagu waa muraayada qalbigaaga, waxa ay cabiraan dareenkaaga, farxadaada, xiisahaaga iyo ujeedadaada. Siday doonaan haday u qurux badan yihiin oo aanay habeysneyn Suniyahaagu, ma muuqanayaan waayo waxaa ka maqan nuurkii ifin lahaa; markay hagaajisan yihiina waxa soo baxaya bilicda iyo soo jiidashada indhahaaga.



Waxyaalaha aad u baahantahay ee lagu qurxiyo suniyaha waxa ugu muhiimsan:
1. makiinada suniyo qorka (sakiinta)ama rifaha suniyaha (eyebrow shaper).
2. qalinka suniyaha lagu buuxiyo (oo u eeg midabka timahaaga).
3. miikyaajka (makeup) indhaha soo saara sida:
- midabada indhaha dushooda la mariyo.
- bootarka qoyan ee qariyaha ah (concealer)



Noocyada suniyaha oo tiro badan ayaa waxay ku ku xidhan tahay qiyaasta dheeli tiran ee wajiga qofka taasi oo eebe siiyey. Waxa muhiim ah hadii suniyahaagu u baahan yihiin wax yar oo habeyn ah, xusuusnow in aanad isku howlin wax ka bedal weyn oo keeni kara aragaaga oo is bedela!

Cabirka saxan ee Suniyaha ka eego sawirkan sare ee midigta, kaasoo ku tusaya in suniyahaagu la sinaadaan bilowka ishaada ee xigta sanka; ay tahayna in ay si siman ugu sinaadaan kuna dhamaadaan koonaha shishe ee ishaada. Wixii intaa ka dheerna ay u ekaanayaan qaar aan qurux lahayn.  Balaca suniyahaagu ha noqdo mid aan aad uga dhuubneyn qiyaastoodii hore, iskana ilaali marsashada qalinka aadka u madow, hana noqdo mid u eeg ama in yar ka khafiifsan midabka dhabta ah ee timahaaga; kaasoo rasiin isku bedelaya marka aad marsato.

Hababka kala duwan ee suniyaha loo qoro oo soo maray wakhtiyo kala duwan ilaa imikana sii socda, waxa jirtay mar dumarku aad iskugu badin jireen qalinka madow bilowgii 80eedkii, markii laga baxayna ay si xoogan u bilaabantay dhuubida suniyaha oo aad loo xardhi jiray sidii dayax bishay; imika oo la odhan karo waa casrigii ugu wanaagsanaa horumarka suniyaha dabiiciga ah sababtoo ah waxay isku wada raaceen khubarada quruxdu imika in aanay habooneyn wax ka bedelida weyn ee dabeecada ilahay u dhaliyey qofka ee ay tahay uun in lagu dadaalo habeyn tooda oo kaliyi.

Halkan hoose ka daawo labadan fiidiyow ee aan tusaalaha idiinku soo xulnay.
Qaybta 1aad. Qorida Suniyaha.




Qaybta 2aad. Buuxinta iyo isku simida.

.

Fiiro gaara:
-Iska ilaali Qalinka qalinka aadka u madow oo ka dhiga suniyaha qaar aan dabiici u eekeyn.

-Halka fiidiyowga 2aad gabadhu isticmaashay MAC foundation, waad isticmaali kartaa noocaad haysato.

- Yareyso isticmaalka rifaha suniyaha kaasoo sababi kara nabaad guurka suniyaha, waxa ka fiican makiinada ama xabagta xiirashada (wax hair removal).

2 comments:

  1. woow fiidiyowgaan aad buu ii cawiyay walahi.
    Aad baan ugu helaa blogaaka masha'allah

    ReplyDelete
  2. Thanks..
    my site is http://wildlifeofindia-info.blogspot.in/

    ReplyDelete